လာမည့် မတ်လ ၆ ရက်နေ့မှ စတင်ကျင်းပမည့် တတိယအကြိမ်မြောက် Myanmar National League ပြိုင်ပွဲတွင် ပြိုင်ပွဲဝင်အသင်း ၁၂ သင်းဖြင့် ယှဉ်ပြိုင်ကစားရန် လျာထားလျက်ရှိကြောင်း သတင်းရရှိသည်။
မူလကပြိုင်ပွဲဝင်အသင်း ရှစ်သင်းသာ ၀င်ရောက်ယှဉ်ပြိုင်ခဲ့သော Myanmar National League ပြိုင်ပွဲတွင် တတိယအကြိမ်မှစ၍ အသင်းလေးသင်း ထပ်မံပါဝင်မည်ဖြစ်ပြီး အဆိုပါအသင်းများမှာ ACE အသင်း၊ ဇွဲကပင်ယူနိုက်တက်အသင်း(ZWE KA PIN UNITED)၊ မနောမြေအသင်းနှင့် အခြားအမည်မသိရသေးသော အသင်းတို့ဖြစ်ကြောင်း သိရသည်။
ACE အသင်းသည် ACE ဆောက်လုပ်ရေးလုပ်ငန်းမှ တာဝန်ယူဖွဲ့စည်းထားသော အသင်းဖြစ်ပြီး ဇွဲကပင်ယူနိုက်တက်အသင်းမှာ ပြီးခဲ့သည့် အဖွဲ့ချုပ်ဥက္ကဋ္ဌဖလားဖူဆယ်ပြိုင်ပွဲတွင် ဗိုလ်စွဲသွားခဲ့သော ဌေးမိသားစုအသင်းနှင့် ပထမတန်းမှ SARA အသင်းကို အခြေခံ၍ဖွဲ့စည်းထားသော အသင်းဖြစ်ကာ ကရင်ပြည်နယ်ကိုယ်စားပြုယှဉ်ပြိုင်မည့် အသင်းဖြစ်ကြောင်း သိရှိရသည်။ မနောမြေအသင်းမှာမူ ကချင်ပြည်နယ်ကိုယ်စားပြု ၀င်ရောက်ယှဉ်ပြိုင်မည်ဖြစ်ပြီး ကချင်အထူးဒေသ(၁)မှ ဦးဆောင်ကာ ဆန်းလင်း (သွင်းကုန်၊ ထုတ်ကုန်)ကုမ္ပဏီမှ တာဝန်ယူဖွဲ့စည်းထားသော အသင်းဖြစ်ကြောင်း သိရသည်။
''လာမယ့် တတိယအကြိမ်မြောက်ပြိုင်ပွဲမှာ အသင်းလေးသင်း ထပ်တိုးပြီးအသင်း ၁၂ သင်းနဲ့ ယှဉ်ပြိုင်ကစားဖို့ လျာထားထားပါတယ်။ အခုလောလောဆယ် သုံးသင်းက စာရင်းပေးသွင်းပြီးပါပြီ။ ကျန်တဲ့အသင်းတစ်သင်းကတော့ ညှိနှိုင်းဆွေးနွေးမှုတွေ လုပ်နေပါတယ်''ဟု မြန်မာနိုင်ငံဘောလုံးအဖွဲ့ချုပ်မှ တာဝန်ရှိသူတစ်ဦးက ပြောကြားသွားခဲ့သည်။
ဒုတိယအကြိမ်မြောက် MNL ပြိုင်ပွဲ၏ ဆုပေးပွဲအခမ်းအနားကို ဇန်န၀ါရီလ တတိယပတ်အတွင်း ပြုလုပ်မည်ဖြစ်ပြီး အဆိုပါအခမ်းအနားတွင် တတိယအကြိမ် MNL ပြိုင်ပွဲ၏ ပွဲစဉ်ဇယားများရေးဆွဲခြင်းနှင့် ဘောလုံးအဖွဲ့ချုပ်၏ ရှေ့လုပ်ငန်းစဉ်များကို ရှင်းလင်းခြင်းများ ပြုလုပ်သွားမည်ဖြစ်ကြောင်း သိရှိရသည်။
http://www.news-eleven.com မှကူးယူဖော်ပြသည်
Monday, January 11, 2010
Subscribe to:
Post Comments (Atom)
စာပို့ငှက်ရောက်လာပါပြီ
စာပို့ငှက်ရောက်လာပါပြီ
No comments:
Post a Comment