Avatar ဇာတ်ကား ခန့်မှန်းထားသည်ထက် ဝင်ငွေပိုမိုရရှိ

အမေရိကန်တွင် ခန့်မှန်းသလောက် ၀င်ငွေမရသည့်တိုင် နိုင်ငံရပ်ခြား ဒေသများတွင် အထူးစံချိန်တင် လက်မှတ်ရောင်းချရမှုများကြောင့် Avatarသည် စုစုပေါင်းရုံဝင်ကြေး (၁)ဘီလျံကျော် ရရှိနေပြီဖြစ်သည်။

ဒါရိုက်တာကြီး ဂျိမ်းစ်ကင်မရွန်၏လက်ရာ စိတ်ကူးယဉ် သိပ္ပံဇာတ်လမ်းအတွက် 20th Century Fox ကုမ္ပဏီနှင့် ၎င်း၏လက်တွဲဖော်များသည် ဒေါ်လာသန်း(၄၃၀)ကျော် ရင်းနှီးမြှုပ်နှံခဲ့ရသော်လည်း ယခုအခါ ထိုက်တန်သော အကျိုးအမြတ်ကို ခံစားနေရပြီဖြစ်သည်။



Avatarသည် လွန်ခဲ့သော (၃)ပါတ်ကတည်းက ကမ္ဘာတ၀ှမ်းတွင် (၁)ဘီလျံဒေါ်လာထိ ၀င်ငွေရရှိမည်ဟု လေ့လာသူများက သုံးသပ်ထားပြီးဖြစ်သည့်တိုင် မူလခန့်မှန်းထားသည်ထက်စောပြီး ဒေါ်လာ(၁)ဘီလျံထိ ရရှိလာခြင်းဖြစ်သည်။ (၂၀၁၀)ခုနှစ်၊ ဇန်န၀ါရီလ (၃)ရက်နေ့ Avatarသည် နိုင်ငံအတော်များများ၏ လက်မှတ်အရောင်းရဆုံး ရုပ်ရှင်များစာရင်းတွင် နံပါတ်(၁)နေရာမှ ရပ်တည်နေဆဲဖြစ်သည်။ Avatar၏ လက်မှတ်ရောင်းအားသည် အမေရိကန် ပြည်ထောင်စုတွင် စတင်ရုံတင်သည့် နေ့ကထက် (၁၀)ရာခိုင်နှုန်းသာ လျော့ကျပြီး ဆက်လက်ရောင်းအားကောင်းနေဆဲဖြစ်သည်။ အမေရိကန်နှင့် ကနေဒါတို့တွင် Avatarအတွက် တစ်ပါတ်အတွင်း ၀င်ငွေသည် ဒေါ်လာ(၆၈.၃)သန်းမျှ ရှိနေမည်ဟု လေ့လာသူများကဆိုသည်။ Avatar၏ လက်မှတ်ရောင်းအားသည် အမေရိကန် တစ်နိုင်ငံထဲတွင်ပင် ဒေါ်လာသန်း(၄၅၀)ဖိုးမျှ ရှိလာမည်ဟုလည်း ခန့်မှန်းထားသည်။ သို့သော်လည်း Avatarသည် နိုင်ငံတကာ ဈေးကွက်တွင် ပိုမိုအောင်မြင်ပြီး ဈေးကွက်ပေါင်း (၁၁၀)မှ ဒေါ်လာသန်း(၆၇၀)ကျော်ဖိုး ၀င်ငွေရရှိခဲ့သည်။



ထိုပမာဏသည် နိုင်ငံတကာ လက်မှတ်ရောင်းအားတွင် Lord of the Rings: The Return of the King ဇာတ်ကားနောက်ပိုင်း ဒုတိယနေရာမှ စံချိန်တင် အရောင်းရဆုံးအဖြစ် စာရင်းပေါက်ခဲ့သည်။ Avatarသည် ရုရှားနိုင်ငံ သမိုင်းတွင် ရုံဝင်ခ အများဆုံးရသည့် ရုပ်ရှင်ဖြစ်လာပြီး စပိန်နှင့် ဩစတြေးလျတို့တွင် စတုတ္ထ ၀င်ငွေအကောင်းဆုံး ဖြစ်ခဲ့သည်။ ပြင်သစ်၊ တောင်ကိုရီးယားနှင့် အိန္ဒိယတို့တွင် သမိုင်းတလျှောက် ဒုတိယမြောက် ၀င်ငွေအမြင့်ဆုံး အမေရိကန် ဇာတ်ကားဖြစ်လာခဲ့သည်။ တရုတ်တွင်လည်း ပြီးခဲ့သည့် သီတင်းပါတ် စတင်ရုံတင်ချိန်မှစကာ အကြီးအကျယ် အောင်မြင်မှုများ ရရှိနေသည်။ Avatarအနေနှင့် (၁၉၉၇)ခုနှစ်က ကင်မရွန်ပင် ရိုက်ကူးခဲ့ပြီး ကမ္ဘာတလွှားမှ ၀င်ငွေဒေါ်လာ (၁.၈)ဘီလျံ ရရှိခဲ့သည့် Titanicဇာတ်ကားအား ကျော်ဖြတ်နိုင်ခြင်း ရှိမရှိမူ မသေချာသေးပေ။ Avatar၏ စုစုပေါင်းဝင်ငွေ အရပ်ရပ်မှာ ဇန်န၀ါရီလ (၃)ရက်နေ့ထိ ဒေါ်လာ(၁.၀၃)ဘီလျံ ရှိနေပြီဟု သိရသည်။ အမေရိကန်နှင့် ကနေဒါ နိုင်ငံများတွင် Avatarအား ရုပ်ရှင်ရုံများအပြင် 3-Dဇာတ်ရုံများတွင်ပါ ပြသလျက်ရှိပြီး ထိုမှလည်းဝင်ငွေ ဒေါ်လာသန်းချီ ရရှိနေဆဲဖြစ်သည်။ Avatarသည် ကမ္ဘာ့နိုင်ငံ အသီးသီးရှိ ရုပ်ရှင်ရုံကြီးများတွင် ဖေဖော်ဝါရီနှင့် မတ်လများထိ နေရာယူထားဖွယ်ရှိကြောင်းလည်း သတင်းရရှိသည်။


http://www.planet.com.mm မှကူးယူဖေါ်ပြပါသည်